கலகத்தை முன்னிறுத்தும் அரவாணிகளின் குரல்

அரவாணிகள் ஆண்குறியோடு பிறந்திருந்தாலும் ஆண்குறி குறி தனக்கு இருப்பதை விரும்பாதவர்கள். ஏதோ ஒரு வகையில் ஆண் குறியை அறுத்து எறிந்து புதைத்து விடுகிறார்கள். இதுவே லிங்க மையவாதத்தை தகர்க்கும் தன்மை கொண்டது. லிங்க மைய வாதத்திற்கு நேர் எதிரான கலககத் தன்மை கொண்டது. இன்னொன்று அரவாணிகளுடனான பாலியல் புணர்ச்சி என்பது யோனி வழிப்பட்டதல்ல. ஆக லிங்க மைய வாதத்திற்குள் பெண் கீழாக வைக்கப்படுகிறாள். லிங்க மைய வாதத்திற்குள் வராத, எதிராக இருக்கும் அரவாணிகள் இழிவானவர்களாகக் கருத்தாக்கம் செய்கிறது அவ் வாதம். இதன் நீட்சியாகத்தான் அரவாணிகளைக் கேவலமாகப் பார்ப்பதும் அங்கீகரிக்காமல் இருப்பதுமான நிகழ்வுகளாக அமைகின்றன.

இங்கே பெண்களும் அரவாணிகளை கேவலமாகத்தான் பார்க்கிறார்கள். சமூகத்தில் பிறந்த ஒவ்வொரு பெண்ணுக்கும் ஆணுக்கும் பாதுகாப்பும் பகிர்தலும் குறைந்தளவேனும் கிடைக்கப் பெறும். ஆனால் அரவாணிகளுக்கு அத்தகைய வாய்ப்புக்கள் அமைவதில்லை. பெண்கள் தங்களது அடிமைச் சிiறியிலிருந்து விடுதலை பெற வேண்டுமானால் கர்ப்பப் பைகளை அறுத்தெறியுங்கள் என்றார் பெரியார். இதைச் சமூகம் ஓரளவேனும் உணரத் தொடங்கினாலும் கூட, கர்ப்பப் பைகளே இல்லாத அரவாணிகளைப் பற்றி புரிந்து கொள்ள மறுப்புத் தெரிவிக்கிறது.  அரவாணிகள் குறித்து தவறான கற்பிதங்களை சமூகம் உருவாக்கி வைத்திருந்தாலும், அதை மாற்றிட  சமூக மாற்றத்திற்கான அமைப்புகளும் கவனம் செலுத்தியாக வேண்டும்.  அரவாணிகளும் மனிதர்களே, அவர்கள் தனித்த பிறவிகள் அல்லர் என்பதை உரத்துச் சொல்லும் காலம் என்றைக்கு வருகிறதோ அன்றைக்கு தான் மனிதர்களைச் சமூகம் புரிந்து கொண்டதாக கருத முடியும்.

இந் நூல் மகாராசன் என்பவரால் தொகுக்கப்பட்டுள்ளது. இதை தோழமை வெளியீடு செய்துள்ளது.