பலதரப்பட்ட அழுத்தங்களில் சிக்கித் தவிக்கின்ற மீள்குடியேற்றப் பிரதேசத்துப் பெண்கள்மீது கவனம் செலுத்தப்பட வேண்டும்

கண்ணெதிரே மரணித்துக் கொண்டிருந்த இரத்த உறவுகளின் உடல்களைத் தாண்டி ஓடுகின்ற சக்தி அந்த வேளையில் அவர்களுக்கு இருந்த போதிலும், இன்று தமது சொந்த இடங்களை நாடிச் செல்லும் போது மீண்டும் தாம் அனுபவித்து வந்த துயரத்தின் மன உளைச்சலைத் தாங்க முடியாது திணறுகின்ற சூழ்நிலை நிலவுகின்றது. .

கடந்த காலத்தில் உள்நாட்டு யுத்தம், உள்நாட்டு இடப்பெயர்வு, அதனோடு இணைந்த முகாம் வாழ்க்கை, மீண்டும் தமது சொந்த இடங்களுக்கு மீளத்திரும்பிய மக்கள் அவர்கள் வாழ்வில் எதிர்கொள்கின்ற சிக்கல்கள் மற்றும் தேவைகள் தொடர்பாக பலதரப்பினரும் பேசிக் கொள்கின்ற போதும் விசேடமாக சிறுவர்கள் மற்றும் தனித்துவிடப்பட்ட பெண்கள் தொடர்பான அக்கறை எவ்வளவு தூரம் கவனத்தில் கொள்ளப்படுகின்றது என்பது கேள்விக்குரியதாக இருக்கின்றது